Жауға мінген Райымбек Көкойнақты,
Жаудың жүгін жылқымен оңайлатты.
Нарқызыл мен Абылай ақұдайлап,
Жаудың бетін қайтарып ойрандатты.
Истай жауға салған Ақтабанды,
Жылқысыз батыр күні қап қараңғы.
Қарасай Айтұяқпен аттанғанда,
Қанжығаға өңгерген ақ қараңды.
[Қайырмасы]
Аттан түспе палуан аттан түспе,
Арғы атаңдай берік бол артқан іске.
Қазақтың салт-дәстүрі не болады,
Қазіргі жігіттер аттан түссе
Қабанбай жауды жеңген Қубастымен,
Наурызбай Ақауызбен бұрапты жең.
Кеңесары Ақтаңгердің арқасында,
Жайған екен соғыста құлашты кең.
Қобыланды шапқанда Тайбұрылмен,
Қанжығаға жау менен бәйге ілінген.
Әбілқайыр Ақ бозға отырғанда,
Астындағы атынан жау түңілген.
[Қайырмасы]
Аттан түспе палуан аттан түспе,
Арғы атаңдай берік бол артқан іске.
Қазақтың салт-дәстүрі не болады,
Қазіргі жігіттер аттан түссе
Айналайын Ақаннан Құлагерден,
Ар намысты арқалап құлап өлген.
Алпамыстың кешегі Байшұбары,
Тарихтың түбін түртсең шыға келген.
[Қайырмасы]
Аттан түспе палуан аттан түспе,
Арғы атаңдай берік бол артқан іске.
Қазақтың салт-дәстүрі не болады,
Қазіргі жігіттер аттан түссе
Кесік құлақ серігі еді Махамбеттің,
Махамбетпен біздерге қатар жеттің.
Жігіт жылқы дегенің егіз ұғым,
Ең басты қаруы ғой ат әулеттің.
